Skol-vamm ha Skol Gentañ e Lokournan

An divyezhegezh : ur chañs gwirion evit an holl vugale

Meur a zoare zo da zeskiñ ur yezh. En deskadurezh publik pe en deskadurezh prevez katolik, e vez kelennet ar brezhoneg e-doug un nebeud kentelioù, pe un nebeud eurvezhioù bep sizhun.

En hor skol-vamm hag en hor skol kentañ derez e Lokournan, evel en holl skolioù eus ar rouedad Diwan, e vez desket dre soubidigezh. Ar brezhoneg eo yezh ar skol, adalek ar skol-vamm.

An hentenn-se, anavezet ha dibabet e meur a vro er bed (Kanada, Euskadi, Katalonia, Korsika...), eo an hini a vag an naturelhañ ar barregezh deskiñ zo gant an holl vugale.

E fin e skoliatez e vez ar bugel divyezhek da vat.

🗣️ Aezamant da zeskiñ yezhoù all

Aesoc'h eo d'ar skolidi divyezhek deskiñ yezhoù all da c'houde, ar saozneg peurgetket.
📚 Berzh-mat er skol

Diskouez a ra an enklaskoù e ra ar vugale a zeu eus an hentadoù divyezhek kement a verzh, ha gwelloc'h zoken, e galleg hag en danvezioù all.
🧠 Diorroadur kognitivel

An divyezhegezh a zo ur gazer dispar evit an eñvor, an evezh hag an diorroadur kognitivel dre vras.
✨ Fiañs ha bleunvidigezh

Ar soubidigezh a laka an emrenerezh, ar fiziañs ennañ e-unan hag ar plijadur da zeskiñ da greskiñ.
🌍 Digoradur sevenadurel

An divyezhegezh a zigor war an liesseurted, an habaskter ha dizoleiñ sevenadurioù all.

Heuliet e vez pep bugel gant ar skipailh pedagogel a-hed e hentad, gant hegarated ha strizhted. A-drugarez d'an niver bihan a vugale e c'heller heuliañ pep hini a-dost ha teuler evezh outañ.

« An divyezhegezh abred a zo ur chañs evit diorroadur speredel ha sokial ar bugel. »
— Danevell an UNESCO, 2016

Dont da ziwan, se eo kinnig d'e vugel un deskadurezh vodern, gwriziennet, digor ha pinvidikaus war un dro, en un endro laïk ha hegarat.

Programm an Deskadurezh-Stad, pedagogiezh Diwan

Heuliañ a ra hor skol pizh programm ofisiel an Deskadurezh-Stad.

Gant ho pugale e vez tapet an hevelep sichenn voutin a ouiziegezhioù, a varregezhioù hag a sevenadur hag e ne vern pe skol bublik all, eus ar skol-vamm d'ar CM2. Matematik, galleg, istor, skiantoù… an holl zanvezioù diazez a zo e kalon hor c'helennadurezh.

Gant hor pedagogiezh dibar eo e vezomp disheñvel. Eus un tu, an hentenn deskiñ dre soubidigezh : e-lec'h deskiñ brezhoneg evel un danvez hepken, e tesk ar vugale e brezhoneg. Ar yezh eo benveg an holl ouiziegezhioù, ar pezh a ro an tu dezho da vestroniañ anezhi en un doare naturel, hep striv ebet. Eus un tu all, an niver bihan a vugale a ro an tu da gelenn e liesliveoù ha da gaout un heulienn bersonelaet, o vroudañ an eskemm hag an deskiñ etrezoc'h.

Setu un tañva eus an hentad deskiñ-mañ :

Rummad bihan : Ho pugel bihan a zizolo buhez ar skol, a ziorro e yezh hag a zihun a-drugarez d'ar c'hoarioù ha d'an istorioù.
Rummad krenn : Dont a ra ho pugel da vezañ emrenoc'h, en em ezteurel a ra gwelloc'h-a-wellañ hag ergerzhout a ra ar bed en-dro dezhañ.
Rummad bras : En em brientiñ a ra sioul d'ar CP : anavezout a ra ar sonioù hag al lizherennoù en ur spisaat e jestroù.
CP : Dizoleiñ a ra plijadur al lenn hag ar skrivañ, ha kadarnaat a ra e nozionoù kentañ e matematik.
CE1 : Lenn a ra ho paotr pe ho plac'h en un doare flour, gwellaat a ra e/he skritur hag ober a ra araokadennoù e jediñ.
CE2 : Lenn a ra ho pugel en un doare redus, sevel a ra e skridoù kentañ hag e vag e c'hoant-dizoleiñ er skiantoù hag en istor.
CM1 : Kadarnaat a ra e varregezhioù lenn ha skrivañ, dizoleiñ a ra nozionoù matematik kemplesoc'h hag en em deurel a-zevri en istor.
CM2 : Ar skolajiad da zont en em bripar d'ar skolaj, a zeu da vezañ emrenoc'h hag a ziorro e spered burutellañ.

Eus ar skol-vamm d'ar CM2, e kinnig Diwan ur binvidigezh doubl : ur sichenn akademiek solut ha profig un eil yezh, o prientiñ pep bugel da vezañ un den mennet gant ar c'hoant-dizoleiñ, digor hag en e aes e bed warc'hoazh.

Ho koulennoù paotañ

Ha ret eo d'am bugel pe din-me komz brezhoneg ?

Tamm ebet ! An darn vrasañ eus ar gerent n'int ket brezhonegerien. Ar soubidigezh a zo bet ijinet a-ratozh evit ma teskfe ar vugale ar yezh en un doare naturel er skol, hep ma vije ezhomm gouzout un dra bennak a-raok. Laouen e vezomp memes tra o heñchañ ar gerent o deus c'hoant da zeskiñ brezhoneg.

Ha ne vo ket dale war ma bugel evit deskiñ galleg ?

Er c'hontrol, ur chañs ouzhpenn prouet eo. Diskouez a ra an enklaskoù e vez diorroet gant ar vugale divyezhek barregezhioù uheloc'h a-fet keskrediñ hag analizañ. E fin ar skol-gent, an disoc'hoù e galleg tapet gant hor skolidi a zo par, ha gwelloc'h zoken alies, eget keidenn vroadel.

Penaos e c'hellin sikour anezhañ/i gant al labour-ti ma ne gomprenan ket brezhoneg ?

Ar goulenn-mañ a zo e kalon hor pedagogiezh, a glask lakaat ar bugel da vezañ emren. Soñjet eo bet al labourioù-ti evit ma c'hellfe ober anezho e-unan. Ar c'hemennadoù pouezus hag ar meizadoù pennañ a vez atav treuzkaset deoc'h e galleg gant ar gelennerien, ne viot biken kollet.

Ha goude ar CM2, penaos e tremen an traoù er skolaj ?

Aes-tre eo d'ar vugale en em enframmañ, pe e vefe en ur skolaj klasel pe e rouedad Diwan. Ho pugel en do tapet an holl varregezhioù a zo e programm an Deskadurezh-Stad. Prest-mat eo neuze evit ur skolaj publik klasel e-lec'h ma vo e zivyezhegezh ur chañs evitañ a-hed e vuhez. Evit kenderc'hel gant ar soubidigegezh, an heuliad naturel eo skolaj Diwan ar Releg-Kerhuon e Brest.

Goulennoù all ho peus diwar-benn buhez ar skol, ar c'hantlec'h pe ar vuhez kevredigezhel ?

Sellit ouzh hor foar-goulenn klok

Testenioù kerent

"Un tamm diasur e oan, met a-benn ar fin on bet kendrec'het gant levenez ma merc'h adalek an deizioù kentañ. Daoust ma n'on ket brezhonegerez, n'em eus bet tamm diaezamant ebet o heuliañ hec'h emdroadur."

— Vanessa, mamm Ninnog

"Diwan evit ar c'hlasoù bihan, ar skol familh ma c'hell pep hini kavout e blas, hag an divyezhegezh evel-just evit diorren spered ar vugale adalek ar yaouankiz."

— Sonia, mamm Charleen

"Ar skol-mañ, mentet diouzh an den, a zo bet un dra anat evit hor bugale a gemer plijadur bras hag a zesk deomp gerioù nevez dibaouez ! Azasaet eo lusk skol ar vugale hag en o aes emaint enni."

— Audren, tad Koulm